ଗୋମାଂସ ଓ ଚମଡା ବୋଝେଇ ଟ୍ରଲି ପୁଲିସ୍ ଦ୍ୱାରା ଜବତ, ରାସ୍ତାରୋକ

ଭଦ୍ରକ, ୨୪ା୮ - ଗତକାଲି ବିଳମ୍ବିତ ରାତିରେ ଭଦ୍ରକ ସହରସ୍ଥିତ ଚରମ୍ପା କେନାଲବନ୍ଧ ରୋଡ୍ରେ ଗୋ ମାଂସ ଓ ଚମଡା ବୋଝେଇ ଏକ ଟ୍ରଲିକୁ ପୁଲିସ୍ ଜବତ କରିଛି । ତେବେ ଏହି ଘଟଣା ସଂପର୍କରେ ମିଳିଥିବା ତଥ୍ୟ ଅନୁସାରେ ଭଦ୍ରକ ଗ୍ରାମାଞ୍ଚଳ ଥାନା ଅଧୀନସ୍ଥ ଏହି କେନାଲ ରୋଡ୍ରେ ଉକ୍ତ ଟ୍ରଲିଟି ଯାଉଥିବା ସମୟରେ ସନ୍ଦେହ କରି ସ୍ଥାନୀୟ ଲୋକେ ତାକୁ ଅଟକ ରଖିଥିଲେ । ପରେ ଯାଞ୍ଚ ସମୟରେ ବସ୍ତା ମଧ୍ୟରେ ଗୋ ମାଂସ ଓ ଚମଡା ଥିବାର ଜଣାପଡିବା ପରେ ଲୋକେ ଉତ୍ତ୍ୟକ୍ତ ହୋଇ ୧୬ନଂ ଜାତୀୟ ରାଜପଥରେ ଟାୟାର ଜାଳି ଓ ଗଛପକାଇ ତାହାକୁ ଦୀର୍ଘସମୟ ଅବରୋଧ କରିଥିଲେ । ଏହାର ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୁଲିସ୍ ଫୋର୍ସ ସହ ସେଠାରେ ପହଞ୍ôଚ ଟ୍ରଲିଟିକୁ ଜବତ କରିବା ସହ ଚାଳକକୁ ଥାନାକୁ ନେଇଯିବା ପରେ ଉତ୍ତେଜନା ପ୍ରଶମିତ ହୋଇଥିଲା ।